NAKAHILAK sa sa sulod sa selda sa San Isidro PNP ang usa ka dinakpan sa entrapment operation nga gihimo Oktubre 9 sa kasamtangan nga tuig.
Ang dinakpan mao si Jungie Sandigas, 33-anyos may asawa ug anak temporaryo nga nagpuyo sa Sitio Toning, Barangay Lagao.
Sumala niini nga niadto lang bulan sa Disyembre sa tuig 2022 siya nipuyo sa Gensan unya nagtrabaho sa construction isip mason.
Sumala ni Sandigas nga nagmahay usab siya ngano nisulod siya sa pagbaligya og gidili nga druga kay naa kini anak nga 8- anyos na, kon mahatagan higayon nga makagawas sa prisohan dili na kini mag usab.
Kahibaluan nga sa report sa San Isidro PNP gidakop ang target sa buybust operation sa Barangay City HeIghts human nagmalampuson sumala pa ang poseur buyer.
Nakuha sa suspek ang usa ka putos sa gidudahan nga shabu unya sling bag nga may pitaka ug may kwarta.
Takda usab nga pasakaan og kaso si Sandigas may kalabutan sa kasupakan sa RA 9165. I Ver Diazon