Subling moarangkada na usab sugod karong adlawa ang voters registration sa Commission on Elections (Comelec) human sa walo ka adlaw nga filing sa COC nga natapos niadtong Biyernes.
Sugod karon Oktubre 11 hangtud na sa Oktubre 31 modawat na og aplikante ang Comelec nunot usab sa gihatag nga ekstensyon sa central Office.
Luyo sa gihatag nga lugway, nanawagan ang buhatan nga mintras layo pa ang ikaduhang deadline kinahanglan modangop na ang mga boot magparehistro ug dili na hulaton pa ang katapusang adlaw.
Dili na boot sa COmelec nga masubli pa ang nahitabo niadtong hinapos sa bulan sa Setyembre nga nagpunsisok ang mga aplikante gawas sa Magsaysay Park.
Sama sa naandan anaa gihapon sa 500 ka aplikante matag distrito o anaa sa 1,500 ang iakomodar sa buhatan matag adlaw aron makontrola ang dasok ug masunod ang physical distancing.BNFM-DAVAO
