Mihangyo karon og privacy ang pamilya ni Davao City Mayor Sara Duterte-Carpio human nga kini nataptan og COVID-19 subay sa abiso nga gipagawas sa miaging Sabado.
Giawhag ang publiko nga likayan ang pagpadala og mga token ngadto sa alkalde nga nakasinati og mild symptoms nga kasamtangang anaa sa isolation.
Gipahimangnuan usab ang mga indibdwal nga dunay close contact sa alkalde nga mopailawum sa self monitoring sulod sa 14 ka adlaw ug magpatest sa ikalima o ikapito ka adlaw human sa ilang paghimamatay.
Kahibaluang ayha nagpositibo ang Mayor, nakahikay pa kini og personal sa iyang certificate of candidacy (COC) sa Commission on Elections-Davao City office sulod sa Magsaysay Park niadtong milabayg Oktubre 2, 2021.
Hinoon wala pay gipagawas nga dugang impormasyon bahin sa contact history sa mayor nga fully vaccinated na gamit ang Sinopharm.
Siya ang pinakaulahi sa magsoong Duterte nga natakdan sa virus.BNFM-DAVAO
