NAGPAHINUMDOM ang bag-ong labaw sa kapulisan sa Soccsksargen region sa mga sakop sa hugot nga pagpatuman sa ‘no take policy’.
Partikular na sa illegal gambling o unsa mang iligal nga aktibidad sa pipila ka indibwal. Matud ni BGen. Alexander Tagum, director sa Police Regional Office (PRO)12 hugot niyang ipatuman sa mga sakop ang polisiya.
Ugaling dunay sakop nga makasupak sa polisya pagkataktak sa pwesto ang mahimong silot. Kung dunay tao nga mogamit sa iyang pangalan aron makabenepisyo gikan sa illegal gambling operation kini manawag kaniya.
Giawhag usab ni Tagum ang publiko nga mosumbong kandto kaniya kung dunay sakop nga lambigit sa iligal nga aktibidad. Ang maong polisiya ang gibuhi ni Gen.Dionardo Carlos bag-ong labaw sa kapulisan sa nasud. Kahibaloan nga panahon ni kanhi PNP Chief ret. Gen. Archie Francisco Gamboa gipatuman usab ang maong polisiya. ( Richel Gubalani)