Patay ang isang lalaki matapos itong malunod habang nangingisda sa isang pond sa Hingyon, Ifugao.
Sa nakuhang impormasyon ng 92.9 Brigada News FM Cauayan sa Hingyon Municipal Disaster Risk Reduction and Management Council, kinilala ang nasawi na si Jay-ar Napudo Botal, 35-anyos at residente ng Nun-olpad, Namulditan.
Una rito ay nakatanggap umano ang MDRRMO ng report hinggil sa natagpuan palutang-lutang na katawan ng lalaki sa isang lawa.
Ito umano ay nakita mismo ng may-ari ng pond na noo’y magpapakain lamang sana ng kaniyang mga alagang baboy.
Batay sa inisyal na imbestigasyon ng mga otoridad, mababa umano ang potassium ng nasawi na nagsanhi upang mahimatay ito habang nangingisda sa pond na nagresulta ng kaniyang pagkalund.