Tapos nang bumoto ang nasa labing-dalawang Persons Deprived of Liberty (PDL) sa Cauayan City District Jail.
Sa panayam ng Brigada News FM Cauayan Jail Chief Inspector Emerald Hombrebueno, onsite voting aniya ang naging set-up ng pagboto nila.
Ibig sabihin, sa loob sila ng kulungan bumoto ngunit ang kanilang mga balota ay mula pa sa mga mismong precinct ng PDL at ipinunta ito ng special election board sa District Jail para sila ang mag-facilitate sa halalan.
Nagpasalamat din si Chief Inspector Hombrebueno sa COMELEC at DEPED para sa kanilang suporta, maging sa Cauayan City District Jail personnel para sa mapayapa at maayos na pagsasagawa ng Barangay at Sangguniang Kabataan Elections.