Dalawang araw bago ang unang State of the Nation Address ni Pangulong Bongbong Marcos, inanunsyo ni Press Secretary Trixie Cruz-Angeles ang ilang mga appointments ng Punong Ehekutibo.
Pinangalanan ni Marcos si retired Sandiganbayan Justice Alex Quiroz bilang Chairman Governance Commission para sa Government-Owned or Controlled Corporations o GOCCs.
Pormal namang itinalaga si Raphael Lotilla bilang kalihim ng Department of Energy.
Ni-retain din si Prospero de Vera bilang chairperson ng Commission on Higher Education.
Reappointed naman si Rosalia de Leon bilang Tresurer of the Philippines.
Samantala, isinapormal na rin ang paglilipat kay dating Interior undersecretary Epimaco Densing bilang Undersecretary sa Department of Education.
Ang dating mambabatas na si Franz Alvarez ay inilagay bilang acting prseident, CEO, and board member ng Philippine National Oil Company (PNOC) Exploration Corporation.
Si dating Environment Undersecretary Benny Antiporda naman ay inilipat sa National Irrigation Administration bilang acting administrator.
Matatandaang inilipat na rin ito sa NIA bilang senior deputy administrator nitong Pebrero.
Balik din bilang Special Envoy of the President to the UNICEF si dating Tarlac Rep. Monica Prieto-Teodoro.
Samantala, ang BCDA board member na si Pedro Laylo ay ang bagong Philippine Ambassador to Israel.
Matapos naman ang panunumpa kamakalawa – pormal na ring itinalaga bilang Ambassador Extraordinary and Plenipotentiary to the Kingdom of Spain ang diplomat na si Philippe Lhuiller.
Ang kontrobersyal na National Task Force to End Local Communist Armed Conflict ‘o ‘yung NTF-ELCAC ay pamumunuan na ni Retired Lt. Gen. Emmanuel Salamat bilang bago nitong executive director at national secretariat head.
Itinalaga naman bilang Philippine Public Safety College President si Ferdinand Sevilla.
#