Aabot sa mahigit 15,000 indibidwal sa Sulu ang nabakunahan laban sa COVID-19 sa ginanap na special vaccination days (SVD) na inorganisa ng Bangsamoro Autonomous Region in Muslim Mindanao’s Ministry of Health (MOH).
Sa datos ng Bangsamoro Information Office, mayroong 15,328 individuals na nabakunahan mula May 11 hanggang 13, o katumbas sa 60.11% ng 25,000 target.
Kaugnay nito, may 3,341 individuals na nabakunahan sa unang araw, 4,988 sa ikalawang araw at 7,099 sa ikatlong araw.
Una nito, nagpatupad ang provincial government ng “No Vaccine Card, No Entry Policy,” sa harap ng target ng gobyerno na mapalakas ang vaccination rates at mapigilan ang pagkalat ng COVID-19 sa lugar.