GIPASAKAAN na og kaso sa Tambler Police Station ang duha sa ilang dinakpan sa buy bust operation sa unang adlaw sa bulan sa Mayo.
Sa talaan sa presento 5 napasaka na sa kapulisan ang pormal nga kaso batok kanilang Randy Diputo alyas Andrew ug Marvin Banoy alyas Marvin pinaagi sa inquest,ang kasupakan sa Section 5 ug 11 sa RA 9165 kon Comprehensive Dangerous Drugs Act of 2002.
Napasaka ang kaso human nga nigawas ang chemistry report sa Regional Forensic Unit -12 nga ang gi-submit nga nga putos nga nagsilbi nga ebidensiya nahimo sumala pa nga positibo.
Kahibaluan nga gipangunahan ni PMajor Ian Bagot, hepe sa Tambler PNP ang operasyon sa Purok Bio, Brgy. Tambler sa milabay nga semana ug nagpabilin sa ilang kustodiya ang mga akusado. I Ver Diazon