NAKA KUSTODIYA karon sa Fatima Police Station ang duha ka mga babaye nga pasahero unta sa eroplano gikan sa General Santos City paingon ug Metro Manila human nasuta nga peke sumala pa ang ilang mga ID.
Sumala sa labaw sa General Santos City Airport Police nga si P/Major Manuel Refuerzo nga ang Passenger Service Agent sa usa ka Airline Company ang nagsumbong kanila nga adunay duha ka pasahero nga kadudahan ang mga ID.
Gumikan niini wala na makasakay sa eroplano ang duha ka babaye, gidala kini sa estasyon sa Airport Police unya gi imbestigahan.
Nasuta nga picture lang sa ID nga naa sa cellphone ang dala sa duha ug dili mao sa ilang husto nga pangalan.
Gumikan niini gipa kustudiya ang duha samtang gina andam ang kasong Falsification of Documents batok kanila.
Sa bahin sa duha ka babaye nga si alyas Dana 26-anyos ug Rona, sumala kay Alyas Rona 27-anyos nga nagtuo sila nga husto lang ang ilang dala nga ID kay maoy tugon kanila sa ilang ahente sa Agency,daghan daw sila nga mo abroad unya adunay duha ka wala nidayon ug sila ang gihulip sa wala nidayon mao nga nagapangayo unta sila og konsiderasyon. I Ver Diazon