Kulong sa Nabas Municipal Police Station ru Top 2 Most Wanted Person sa Municipalidad it Nabas matapos serbihan it warrant of arrest.
Sa report, edad 21 anyos nga eaeaki, resident it Brgy. Unidos, Nabas, Aklan.
Naga pangatubang it kasong pag-eabag sa Republict Act 7610 Sec 5 (B) o child abuse nga may criminal case no. 16355 nga gin issue ku August 23.
Naga balor it Php180,000.00 nga pyansa ru gin rekomenda it korte para sa temporaryong kahilwayan it akusado.
Samtang, kulon gman sa nasambit nga Municipal Police Staton ru edad 38 anyos, residente it nasambit man nga lugar, Top3 Most Wanted Person ru naaresto sa kasong Rape Sexual Assault under Art. 266-A, para 2 with CC Nr. 16356.
Naga balor it Php120,000 nga bail bond para sa temporaryong kahilwayan.
Samtang, naka taeana ru 2 akusado sa korte nga natungdan.//MARIVIC Y. ILIN