3 ka posisyon sa Konseho sa CDO gibakante!

Pirmado na sa 17 ka Konsehal sa syudad sa Cagayan de Oro ang motion sa pagbakante sa 3 ka posisyon sa 20th City Council.

Kini ang unod sa 33rd regular session sa 20^th City Council nga gipangunahan ni City Vice Mayor Jocelyn “Bebot” Rodriguez, kagahapong adlawa.

Na-elect isip Majority Floor Leader si Konsehal Edgar Cabanlas, samtang Assistant Majority Floor Leader si Konsehal Girlie Balaba ug si Presiding Officer Pro Tempore Romeo Calizo.

Sa sesyon, wala mitambong si Konsehal Ian Mark Nacaya kinsa gihulipan isip Majority Floor Leader ni Kon. Cabanlas.

Wala pa usab magpagula og pahayag si Konsehal Nacaya, homan ang desisyon sa Konseho.