Nahaharap sa kasong RAPE ang tatlong kalalakihan matapos idiin sa reklamong panggagahasa sa isang 18 anyos na dalaga sa Puerto Princesa.
Ayon sa source ng Brigada, nagreklamo ang isang babae sa Police Station 1 kahapon at idinetalye nito ang mapait na karanasan.
Kinilala niya ang nasa hustong gulang na mga suspek kaya agad silang hinuli ng mga pulis sa Barangay San Miguel kahapon, ika- 7 ng Nobyembre.
Nag-inuman umano ang mga suspek hanggang madaling araw kahapon sa labas ng tindahan kung saan naroon ang biktima , na malapit sa pinagtatrabahuan ng tatlong suspek.
Ngayong araw, pinoproseso na ng Police Station 1 ang pagsasampa ng kaso sa tatlong mga inaresto.