Kabilugan nga 385 team leaders ag miyembro it provincial ag municipal drug enforcement units ro nagpaidaeum sa random drug test sa multi-purpose hall kahapon, Mayo 21.
Ro mga miyembro it Regional Forensic Unit 6, sa pagpamuno ni Police Captain Ace Baldevieso ro nagpatigayun it drug test.
Ginpangunahan man it Provincial Investigation and Detective Management Unit, sa pagpamuno ni Police Major Raymond Celoso ro aktibidad.
Base kay Police Colonel Adrian Acollador, indi pagakonsentihon it Iloilo Police Provincial Office ro mga miyembro it PNP nga nagagamit it iligal nga droga ag sin-uman nga magpositibo sa drug test hay igarekomenda nga boe-on sa serbisyo.
Ro pagpatigayun it drug test, nga kabahin it pagtinguha it Enhanced Revitalized PNP Internal Cleansing Program, nga may tinutuyo nga siguruhon ro integridad ag kredibilidad it mga anti-drug operatives. / ANN DESLENE SALAZAR