LEGAZPI CITY – Arestado an sarong lalaking pigkokonsiderar na street level individual sa sinagibong drug buy-bust operation sa Purok 6, Brgy. Ilawod, Guinobatan, Albay.
Binisto an suspek na si alyas “Wendel”, 26 anyos na paraoma, single, asin residente kan Purok 6, Sitio Basud, Brgy. San Rafael, kan nasambit na banwaan.
Ikinondusir an operasyon kan pinagsarong esfuerso kan Guinobatan MPS asin Albay 1st PMFC katabang an PDEA Bicol na nagresulta sa pagkakaarestar kan suspek asin pagkakakumpiskar kan sarong sadit na sachet nin pinagtutubudang shabu na may gabat na poko mas omenos 6 grams na nagkakantidad nin labi P40,000.
Apwera digdi, narekober man an sarong genine 500 peso bill na buy-bust money, asin sarong unit nin Para-Ordinance Inc. Caliber .45 na warang serial number asin sarong magazine na may anom na bala.
Nasa kustodiya na ini kan mga otoridad para sa magkakanigong disposisyon.