Nabungkag ang drug den samtang upat ang nadakpan atol sa drug buy bust operation nga gilusad sa hiniusang pwersa sa PDEA Davao del Norte Provincial Office ug Panabo City Police Station kagahapong adlawa sa Purok Kasoy, Niceville Subdivision, Barangay Cagangohan, Panabo City, Davao del Norte.
Unang nadakpan ang subject sa maong operasyon nga mao si Jimmy Parilla Dela Cruz alyas George, 29, chief mechanic, tag-iya sa drug den. Kini atol sa pagtunol sasuspek sa usa ka pakete sa gituohang shabu nga mutimbang sa kapin kon kulang usa ka gramo nga mubalor sa Php 9,000.00 ngadto sa nagpaka-aron ingnon nga sakop sa PDEA nga mamalitay og iligal nga droga.
Samtang, dakpan sab ang laing tulo ka mga drug den visitors nga nailang sila Bernie Cabila, Evangeline Dumacon, ug Grecthen Dumacon.
Laing napulo ka pakete sa gituohang shabu nga mutimbang sa 14 gramos nga mubalor sa Php 95,200.00 ang nakompiska atol sa operasyon.
Kinatibuk-ang P104,200 kantidad sa shabu ang nakuha gikan sa mga suspek nga karon balhug na sa bilangguan nga nag-atubang sa kasong kalapasan sa Republic Act 9165 kon Comprehensive Dangerous Drugs Act of 2002.