Naninahan ro ap-at katawo matapos magbanggaan ro sangka motorsiklo ag topdown nga tricycle sa national highway sa Brgy. Libas Banga, Aklan.
Ginkilaea ro driver it motorsiklo nga si Rommel Batiles 22yo ag residente it Sitio Hinunok Brgy. Pagsanghan, Banga, samtang ro driver it topdown nga tricycle hay ginkilaea nga si Dennis Ruiz 27yo it Cipriano Road Estancia, Kalibo.
Parehung may angkas ro motorsiklo ag topdown tricycle nga naninahan man sa aksidente.
Nasayuran nga parehung owa it driver’s license si Batiles ag Ruiz.
Ro ap-at nga imbolbado sa aksidente hay naka confine sa Aklan Provincial Hospital samtang under follow-up investigation man it mga otoridad ro natabo nga aksidente. / ANN DESLENE SALAZAR