Nasikop sa Cebu Police Provincial Office (CPPO) ang 42 ka mga durugista atol sa 31 ka operasyon nga napahigayon niini sulod sa usa ka semana o gikan sa Disyembre 25 hangtud sa Disyembre 31, 2023.
Niresulta sab kini sa pagkasakmit sa 79.27 gramos sa shabu nga mobalor og P539,036, ingon man pag-file og 72 ka kaso.
Nakapahigayon sab ang (CPPO) og 48 ka operasyon batok sa loose firearms diin nasikop ang siyam ka mga indibidwal ug nasakmit ang 49 ka low powered firearms.
Sa operasyon sa pagsikop sa mga wanted persons, nasilbihan sa CPPO og warrant of arrest ang 16 ka mga wanted; 15 niini ang other wanted persons.
Sa ubang mga kalampusan sa CPPO, niabot sa 1,147 ka indibidwal ang napamulta; 1,647 ang nilapas sa lokal nga ordinansa ug niabot sa P467,879 ang penalties.///