Bangud sa selos hay ginsakit ag gintutukan it baril it sangka 47yo nga eaeaki ro anang nobya nga sangka menor de edad sa mismong baeay kara sa Dueñas, Iloilo.
Base sa report, nasayran it suspek nga nag agto sa Passi City ro 15yo kara nga nobya para mag-disco.
Bangud kara hay nag agto ro suspek sa baeay it biktima ag naabutan kara nga nagakatueog ag gulpi eang nana nga ginsakit ag gintutukan it baril.
Indi maubra nga buligan ro biktima it anang pamilya bangud may baril ro suspek.
Pero pag abot it mga kapulisan sa lugar hay insigida man nga nagsurender ro 47yo nga suspek.
Pursigido man ro biktima nga kasuhan ro anang nobyo. / ANN DESLENE SALAZAR