Patay an usa nga 5 anyos nga bata mahuman nga malumos dida han Hulyo 3, 2023 ha purok 3 Barangay Malajog Tinambakan Calbayog City.
An nasabi nga biktima in residente han purok 1 Brgy Cogon ha nasabi nga siyudad.
Ha nakuha nga impormasyon han Brigada News Fm Tacloban nagkamayda hin katitirok an magpamilya ha usa nga beach ha Calbayog kun diin dumaop an biktima ha iya lolo para umaro hin tinapay, ngan han matagan na in bumalik na ini ha baybayon pero waray makasabot an pamilya nga an nakaadto na ngayan ha hilarom nga parte an biktima.
Pira kaminutos la an nakalabay in mayda nakit-an han usa nga concern citizen nga naglulutaw-lutaw ha dagat usa ka-kilometro la an kahirayo ha kinamumutangan han pamilya han biktima.
Dayon naman ginkuha an lawas ha tubig ngan didto na ginkumpirma han mismo lolo han biktima nga an iya apo an nalumos.
Naidara pa an biktima ha Saint Camelos Hopital pero gindeklara ini nga DOA.
Nanawagan naman an mga otoridad ha publiko labi na ha mga makarigo ha dagat nga bantayan hin maupat an tagsa mga mga anak.