Dakop sa akto ang lima ka tripulante nga nagapatigayon sang iligal nga pagpangisda sa kalalawran nga sakop sang Panay, Capiz.
Ginkilala ang boat captain no.1 nga Luisito Geremiano, 29-anyos, kaupod ang duha ka crew nga sanday Luige Geremiano, 36-anyos kag Dande Aguilar, 29-anyos samtang ginkilala naman ang boat captain no. 2 nga si JR Barredo, 33-anyos kag crew sini nga si Jerson Aracilloc, 27-anyos kag lunsay mga residente sang Estancia Iloilo.
Narekober sa mga nagkaladakpan ang duha ka unit sang pump boat, duha ka unit sang Diesel engine, fishing net, kag mas o menus 15 tanan ka kilo nga kasag.
Magapangatubang ang mga ini sang penalidad matapos naglapas sa Municipal ordinance No. 03-02 series of 2003.
Sa karon, yara na sa kustodiya sang MENRO-Panay ang nagkaladakpan lakip ang mga nakumpiskar para sa nagakaigo nga disposisyon. | Judy Ann Juare