MALAMPUSON nga nakakuha og diploma sa senior high school ang usa ka 69 anyos nga lola, nga migradwar sa may Pangabuan Integrated School sa Pangabuan, Tangub City, Misamis Occidental, ning kasamtangang tuig.
Sumala pa, ni Lola Wilma L. Malaras, 69 anyos, residente sa Barangay Pangabuan, natawo ug nagdako siya sa usa ka gamay nga komunidad ug adunay limitado nga pag-access sa kalidad nga edukasyon kaniadtong bata pa. Apan, ang iyang dili matarug nga determinasyon, ug dili matarug nga tinguha, nagsilbi nga kahayag sa paglaum aron makab-ot ang edukasyon nga gitungha.
Diin, ang talagsaong determinasyon ug kalig-on ni Lola, nahimo nga inspirasyon sa kadaghanan.
Sumala pa, nikuha og nagkadaiyang trabaho si Lola aron ikasuporta sa iyang pagtuon, ug nahimo siyang sumbanan sa iyang kaubang studyante, gumikan kay namentinar niini ang iyang mga maayo nga grado, bisan paman sa daghang mga hagit nga iyang giatubang, lakip na niini ang iyang pangidaron ug isip usa ka working student.
Samtang nagpadayon siya sa iyang pagtuon, ug iyang katapusang tumong, mao ang paggamit sa iyang edukasyon aron makahimo og positibong epekto sa iyang komunidad.
Diin, si Wilma L. Malaras, usa ka buhing testamento nga dili pa ulahi ang paggukod sa mga damgo, pagbatok sa mga babag, ug pagdaog sa kalisdanan hangtod nga magmalampuson sa pangandoy sa kinabuhi. – END