Nakahaom ro 3rd Infantry Division (3ID) it Philippines Army nga imbestigahan ro andang ginhimo nga airstrike ku Disyembre 1 sa Barangay Alimodias, Miag-ao, base kay Major General Benedict Arevalo.
Mahugot nga ginbalibaran it Army nga may mga pageapas segun sa nasambitan nga kahiwatan.
Dugang pa nana, dapat man nga imbestigahan it CHR ro pagre-recruit it NPA sa mga unga ag menor de edad para sa pagpabahoe it andang grupo.
Base pa kay Arevalo, lapnaag ro pang-abuso ag pag-eapas sa human rights nga nahimo sa panig it mga rebelde.
Sa report nga ginsumite it AFP Center for the Law on Armed Conflict sa CHR, kapin sa 1,672 ka mga kaso it pag-eapas sa human rights ro nahimo it mga rebelde sa tunga eamang it 2010 ag 2021 sa nasyun./JIL B. LACSON