Kulong sa Kalibo MPS ru 2 mga kaeaeakin-an matapos mag tripping daea ru talibong ag kutsilyo sakay sa sangka tricycle sa Brgy. Andagao, Kalibo, Aklan.
Sa record it Kalibo MPS, samtang naga himo it mobile visibility patrolling ru Kalibo MPS ag Kalibo Auxiliary Police (KAP), nag pangayo it police assistance ru tag reklamo nga si Dave Maming, 22 anyos ag residente it Calachuchi Road Brgvy. Andagao, Kalibo.
Samtang, nakialea ru mga gin reklamo nga sanday Mark Anthony Manalang, 21 anyos it Oyotorong St., Kalibo ag Allie Billas , 31 anyos it Brgy. Tinigaw, Kalibo, Aklan.
Suno kay Maming, linambangan sigun imaw it daywang katawo nga naka sakay sa tricycle samtang naga baktas halin sa peryahan sa Brgy. Estancia, Kalibo.
Gin gabutan pa sigun imaw it talibong ku mga suspek ag hana nga eab-on apang naka-iwas ag ma swerte nga uwa natama-i.
Nasayuran nga ru mga suspek hay hilong ag may daeang 2 kutsilyo ag 28 pulgada nga talibong.
Sa makaron, kulong sa Kalibo MPS ru 2 mga suspek pati man ru tag reklamo matapos nga bumaeos sa pagtoeop sa baba it sambilog sa mga suspek.
Bangud karon, kinasuhan man ru tag reklamo it physical injury samtang attempted homicide ag Batas Pambansa Numero 6 ru 2 mga suspek.
Sa makaron, parehong naka kulong sa Kalibo MPS ru 3 mga lkaeaeakin-an nga imbolbado sa insidente.//MARIVIC Y. ILIN