Arestado ang isa ka Barangay Kagawad matapos nakuhaan sang indi lisensyado nga armas-luthang sa ginpatigayon nga search warrant sang Panay PNP.
Ginkilala ang kagawad kay Alejandro Basilonia, 61-anyos, residente sang Brgy. Daga, sang nasambit nga banwa.
Narekober sang mga kapulisan sa paghinakop ni Basilonia ang 1 Callibre .45 nga armas-luthang, 4-pcs. live ammunition, 1pc. Magazine kag 12 guage shotgun short kag may isa ka bala.
Ginpanginwala naman sini nga indi siya ang nagapanag-iya sang amo nga mga pagkabutang.
Sa karon, yara na sa kustodiya sang Panay PNP ang kagawad para sa nagakaigo nga disposisyon. | Judy Ann Juare