Nakasailalim na sa alert level 4 ang buong lambak ng Cagayan dahil sa patuloy na pagsirit ng kaso ng COVID-19.
Ayon sa Department of Health Region 2, nitong September 21 ay kabilang na sa alert level 4 ang rehiyon kasunod ng pagtaas ng bilang ng mga tinatamaan ng naturang virus.
Ito rin ay matapos lumampas na sa 70% ang utilization rate ng health care facilities sa rehiyon.
Samantala, kabilang naman sa Alert level 3 ang probinsya ng Batanes dahil sa pagdami ng mga naitatalang bagong kaso bagaman mataas na rin ang utilization rate ay hindi pa naman naabot ang higit sa 70 na porsyento.