Nagsimula nang umarangkada kahapon ang Cope Thunder-Philippines 2024 sa pagitan ng Pilipinas at United States Air Forces.
Ayon kay Philippine Air Force Spokesperson Ma. Consuelo Castillo, mahigit 700 airmen mula sa iba’t-ibang units ng PAF at USAF ang sumasabak sa
bilateral military exercise sa Basa Air Base sa Pampanga.
Magtatagal ang military exercise hanggang sa April 19.
Layon nitong palakasin ang kahandaan ng dalawang hukbo sa pagsasagawa ng field exercises sa pamamagitan ng air and ground operations at logistics at iba pang mission support planning and execution.
Gagamitin sa pagsasanay na ito ang PAF FA-50PH fighter jets,USAF F-16 at C-130J aircraft.
Samantala, sa opening ceremony kahapon, binigyan-diin ni PAF Commander MGen. Fabian Pedregosa ang di-matitinag na commitement ng PAF at international allies nito sa pagpapalakas ng interoperability ng dalawang bansa.