MISAKA ang average sa daily attack rate (ADAR) sa Covid-19 sa Soccsksargen sa nakalabay’ng duha ka semana.
Matud ni Arjohn Gangoso, education and promotional officer sa Department of Health (DOH) 12 Center for Health Development.
Sa datus sa ahensiya (as of June 15, 2021) sa nakalabay’ng duha ka semana taas og 35% tandi sa nakalabay’ng tulo hangtud upat ka semana nga dunay ADAR nga 5.93% per 100,000 population.
Sa epidemiology, ang attack rate mao ang porsyento sa populasyon nga delikadong matakboyan sa sakit atol sa gamay nga time interval.
Giangkon ni Gangoso nga ang labing bag-ong porsyento sa attack rate ang makaalarma.
Hinungdan sa subling panawagan niini sa publiko nga hugot sundon ang gipatuman nga minimum public standard batok Covid-19.
Naglaom kini nga moubos ang kaso sa virus sa rehiyon tungod sa gipatuman nga mas hugot nga quarantine status.
Sa ulahing datus sa DOH-12 (as of June 17, 2021) misaka na sa kinatibuk-ang 17,498 COVID-19 confirmed cases sa Soccsksargen; 3,658 (20.91%) ang active case; 13,340 (76.24%) recoveries ug 498 (2.85%) COVID-19 related deaths.
Sa GenSan nga gikonsiderang economic hub sa rehiyon, naa na sa critical level ang ICU beds ug puno na ang hospital occupancy.