GIKLARO sa labaw sa Land Transportation and Franchising Regulatory Board (LTFRB) 12 nga gidayon ang temporaryong pagpa-undang sa libreng sakay sa mga health workers ug Authorized Person’s Outside Residence (APOR) sa rehiyon.
Matud ni ret. Col. Paterno Renato Padua, director sa LTFRB-12 dunay giagian nga kakulian sa pag-disburse sa budget nga ibayad sa mga drayber ug operator nga miapil sa ilang proyekto.
Apan nasabutan sa ilang head office nga inay ipaundang atong Hunyo 18, ipadayon na lang kini hangtud sa Hunyo 30.
Dugang sa opisyal, nabayaran na nila og inisyal ang pipila ka drayber ug operators nga naghatag og serbisyo sa libreng sakay.
Giproseso na usab karon ang dokumento aron mabayaran na ang uban pa nga mihatag usab og serbisyo.
Ang lakang sa ahensiya ang tubag nila sa pagpatuman go hugot nga community quarantine protocols sa rehiyon tungod sa pagsaka sa kaso sa Covid-19 nga miresulta sa pagkulang sa public transportation.
Gibutyag ni Padua sa tibuok nasud P5 bilyon ang gibutang nga pondo sa ahensiya alang sa proyekto ilawom sa Republic Act. No. 11469 o “Bayanihan to Heal as One Act”