GISUTA na sa LGU-GenSan ang impormasyon kalabut sa pag-operate sa usa ka night club luyo gipatuman nga liquor ban ug curfew hour.
Matud ni Geraldine Zamora, labaw sa Business Permit and Licensing Division Office (BPLDO) wala sila nasayod sa pag- operate nga balay imnanan.
Apan paadtoan niya sa iyang sakop ang ‘bar’ nga naa mahimong sa Pioner Avenue ning dakbayan.
Kahibaloan nga usa ka video ang gipadala sa ‘concern citizen’ sa tigsulat ning balitaa unod ang nahitabo sulod sa bar.
Dunay usa ka babaye ang nagsayaw sa taas sa stage ug duna kini pipila ka audience.
Dungan sa impormasyon, nagpahimangno si Zamora sa mga negosyante nga undangon ang ‘guerilla type’ nga operasyon sa negosyo.
Aron malikayan ang pagpahamtang og silot ugaling maaktohan silang misupak sa gipatuman quarantine protocols batok Covid-19.
Photo for illustration only