LEGAZPI CITY – Nangapodan si dating gobernador kan Albay asin Legazpi City Mayor na si Noel Rosal sa mga opisyales kan barangay na imantenir an kalinigan sa mga salog sa syudad.
Ini katakod kan maibugtak sa Macabalo River sa Brgy. Dapdap an primerong trapnet sa syudad nganing mapugulan an pagdiretso kan mga basura sa dagat kun sain konektado an salog.
Mawot ni Rosal na suportaran kan mga opisyales kan barangay an mga lakdang na pigigibo kan lokal na gobyerno kan syudad.
Ini nganing su boot mapugulan naman an pagtarapok ki mga basura sa mga salog asin dai na maperwisyo an mga marine animals sa Albay Gulf partikular na an kadagatan.