Naghiwat sang DRRM Orientation, First Aid, Basic Life Support, Earthquake and Fire Drill ang Jamindan Municipal Disaster Risk Reduction and Management Office (MDRRMO) sa mga LGU employees kag Focal Person sang kada eskwelahan sa banwa sang Jamindan bilang kabahin sang National Disaster Resilience Month.
Ini ginpatigayon para makabulig ang mga indibidwal sa ila tagsa ka opisina kag eskwelahan inkaso nga may mga aksidente, sakuna kag kalamidad.
Kabahin man sa sini nga training ginhiwat ang Earthquake, Fire kag Rescue Drill nga ginpartisiparan sang LGU employees kag ginpakita sang BFP, JRU kag PNP kun paano mag-rescue inkaso nga may aksidente.
Yara man ang presensya ni Mayor Mac Valdemar, Municipal Officials kag MDRRMO Head, Dr. Antonio Emilio Orocio III kag iban.
Suno kay Mayor Mac, pinakaimportante nga opisina ang MDRRMO tungod sila ang may kaalam kag abilidad sa mga panahon sang sakuna.
Malikawan ang loss of life, property kag injury para sa padayon nga safe kag matawhay ang banwa sang Jamindan.