Naga baton sa makaron it request para sa Issuance of Survey Authority ag Public Land Titling ru Department of Natural Resources (DENR)-PENRO-Aklan sa Boracay.
Suno kay Engr. Jorly Zubiaga, Chief Technical Services Division it DENR-PENRO-Aklan, kaparte sigun ra it information ag education campaign i tnasambit nga ahensya’t gobyerno sa pag patitulo sa mga eogta sa isla.
Uwa kara hieabot ru timberland kundi para eamang sa mga alienable and disposable areas.
Maga bayad it P50 nga baeayran ag 3 documentary stamp para sa titling samtang P200 para sa inspection pero siguraduhon nga maka pasa anay it mga requirements agud ma intertinar.
Nasayuran nga ru isla’t Boracay hay may total population nga naga-abot sa 1,006.64 hectares nga gina komponehan it 3 barangay particular ru Brgy. Balabag, Manoc-manoc ag Yapak.
Naga-abot sa 377 ru classify bilang timberland para sa protection purposes.
628 kara ru alienable/ disposal subject para sa public disposition sa mga rightful claimants.
Base sa Proclamation No. 1064 nga may petsang May 22, 2006 nga permado ni dating Pangueong Gloria Macapagal Arroyo nga gin classify nga forestland para sa protection purposes paadto sa agricultural land o alienable and disposable.//MARIVIC Y. ILIN