Disenyo sa palengke panahon na nga usbon sumala sa market supervisor

ANGAYAN na nga usbon ang dagway sa building sa GenSan Central Public Market gumikan nabiyaan na kini sa ubang mga lugar sumala sa Market Supervisor.

Sa paghinabi sa 89.5 Brigada News FM Gensan kay Lito Esclamado sumala niini nga sa iyang panglantaw panahon na nga ilisan ang disenyo sa gambalay sa merkado publiko aron nga mamahimong hapsay, nindot lantawon ug dili mabiyaan sa ubang mga lugar.

Gidugang ni Esclamado nga naka-adto siya sa Maramag, Bukidnon ug iyang nakita nga pang global ang disenyo sa ilang palengke kung asa gilakip na dinhi ang ilang public terminal, usa ka maayo nga disenyo sa enhinyero ang iyang nasaksihan mao nga nakasulti kini nga na biyaan na ang palengke sa GenSan nga gitawag niini nga stereotype ang design.

Gikumperma usab ni Esclamado nga tinuod nga aduna silay pondo apan alang lang kini sa repair ug dili sa pag-usab sa disenyo, mag-agad lang sila karon sa mupungko nga mayor kon ipadayon ang plano nga ‘mallengke’ o may laing plano sa kalamboan sa merkado. I Ver Diazon

Leave a Reply

Your email address will not be published.