Gin insister ni Malay Mayor Frolibar Bautista nga disiplina eang ro kinhangean sa isla it Boracay.
Ngani dapat tanan nga ordinansa sa isla hay sundon it mayad kaparehu eon lang it bawae nga mag-inom it aeak sa kilid it karsada ag magpanigarilyo.
Uman nga ginpadumdom it alkalde sa mga tiangge nga bawae ro mga raya magbaligya it aeak ag mag-serve sa atubang it andang establisyemento bangud bukon ro mga raya it bar.
Dapat segun nga ipakita sa mga turista nga iba ro isla it Boracay ngani disiplina ro kinhangean.
Gin-engganyo man ni Mayor Bautista ro bag ong hepe it Malay MPS nga si PLTCOL Mar Joseph B Ravelo nga umpisahan eon ro pagdakop sa mga nagainom ag nagasigarilyo sa kilid it karsada sa isla.
Owa eon segun naila si Mayor Bautista nga mauman ro pagsara it Boracay. // ANN DESLENE SALAZAR