NAGA CITY- Isasara ang ilang kalsada malapit sa Metropolitan Naga Cathedral sa Mayo 2, 2024/ kaugnay ng istallation at Canonical Possession ng ika-limang arsobispo ng Caceres. Kaugnay nito inatasan ang ilang paaralan na magpatupad ng Asynchronous Classes of Distance Learning.
Sa memorandum ni Mayor Son Legacion, nakasaad na ito ang rekomendasyon ng City Disaster Risk Reduction and Managemenrt Council. Ang mga paaralang ito ay ang mga sumusunod: Holy Rosary Minor Seminary, Ateneo De Naga University, Naga Parochial School, Universidad de Sta. Isabel, Naga Central School I and II, Naga City SPED Center, Naga College Foundation, Bicol State College of Applied Science and Technology, Camarines Sur National High School annex at main campus maging ang Minds That Matter sa Jacob and M.T. Villanueva Avenue campuses, DHS Kidsville, University of Nueva Caceres at AMA Computer Learning Center (ACLC) – Naga.
Pero ayon kay NCS II Principal FredericK Baldoza, sa request ng simbahan may ilang estudyante sa higher grade na makikiisa sa pagsalubong sa bagong Arsobispo Rex Andrew C. Alarcon, D.D.