Nabuligan sang task force – balik Jamindan ang walang ginhingadlan nga distressed OFW agud makapauli sa iya puluy-an gikan sa iban nga pungsod.
Pinaagi sa iya pamilya, nagpangayo ang mga ini sang bulig sa OFW help desk sang LGU Jamindan sadtong Septyembre 13, 2023 matapos naeksperyensya ang nasambit nga OFW sang malain nga hitabo sa Saudi Arabia.
Gilayon nga gin-aksyunan sang talatapan ang pagproseso pinaagi sa pag forward sang request sa OWWA Region 6 nga makapauli ini sa iya pamilya.
Personal nga ginsug-alaw sa Roxas City airport nanday Vice Mayor Aran Vestudas, SB Member Amboy Vista kag OFW help desk Ms. Analyn Dando ang amo nga OFW.
Tuman naman ang pasalamat sang pamilya sa TS Balik Jamindan sa idalum sang administrasyon ni Mayor Mac Arthur Valdemar. KMD Gicalde