Bongga ang nahimong pagpa-bakuna sa ikaduhang dose sa AstraZeneca vaccine ni Dr. Juneth Ria Limgenco-Hipe human iyang gisuotan og gown diha sa Surigao City sa nakalabay’ng adlaw.
Hisayran nga adtong Marso 14 sa kasamtangang tuig, nadawat niini ang unang dose sa nasangpit nga bakuna diin nagsuot siya adtong tungora og Filipiniana.
Si Hipe, nag-edad na’g 41, isa ka Rheumatologist Consultant sa Surigao Doctors’ Hospital.
Sumala ni Hipe, desisyon matod pa niya nga magsuot og gown aron isaulog ang pagpaturok niya sa ikaduhang dose sa bakuna.
Gitin-aw sa nauwahi, ang maong gown ang suoton unta matod pa niya sa nakalabay’ng tuig alang sa anibersaryo sa Philippine College of Physicians Caraga Chapter, apan wala kini nadayon tungod sa pandemya.
Sa talagsaong outfit sa nauwahi, nahatagan og ideya ang ubang doctor kun unsay ilang suoton sa adlaw sa pagpabakuna.
Dr. Juneth Ria Limgenco-Hipe