Patay ang usa ka driver homan aksidenteng nalatayan sa truck pasado alas 9 kagahapon sa buntag sa So. Groto, Brgy. Agpangi, Calatrava, Negros Occidental.
Naila sa kapolisan ang biktima nga Jonie Jorado, 35 anyos, minyo,driver sa maong truck, samtang ang helper giila nga si Rolan Escosar,29-anyos,ulitawo kauban sa biktima.
Sa pakighinabi sa brigada news team kang Pcpt.Jess Alba samtang nakaparking kining truck sa katubhan nga gimaneho ni Jurado para sa paghakot ug bato gisugo ni Jurado si Escosar nga iyang helper nga ibalhin ang truck sa laing lugar.
Dugang pa ni Pcpt.Alba dihang gipaatras ni Escosar ang sakyanan ug dayon mihunong, gibutangan ni Jurado og bato ang tuong bahin sa ligid aron mabangilan ang truck aksidente nga ang kamot ni Jurado natanggong sa tunga sa bato ug sa ligid atol sa pagkawala sa preno aksidenteng nalagpot si Jurado sa tuong ligid nga niresulta sa pagkasamad sa iyang dughan ug ulo.
Gidala sa San Carlos City Hospital ang biktima apan gideklarar nga dead on arrival sa attending physician. Sa karon anaa na sa custodial facility sa Calatrava Municipal Police si Escosar alang sa tokmang disposasyon.