MIABOT na sa 293 ka mga tulunghaan sa Davao Region ang nakabalik na sa face to face classes.
Kadaghanan sa mga eskwelahan ang nibalik sa in-person classes sugod kagahapong adlawa Marso 14, 2022 diin gilantaw nga anaa sa dul-an 82, 683 ka estudyante sa Kindergarten hangtod Grade 12 ang misalmot.
Ang pagpatuman sa limited face-to-face classes gihimo by-set o scheduling ug dili dunganon ang mga bata sa pagpatungha kada adlaw aron matuman pa gihapon ang social distancing ug ubang health protocols.
Kahibaluan nga una nang gibutyag ni Department of Education XI Spokesperson Jenilito Atillo sa miagi nga press conference nga anaa sa 41 ka mga tulunghaan sa Davao City, 37 sa Davao Oriental, 36 sa Davao del Sur, 28 sa Davao de Oro ug tulo sa Davao del Norte ang mobalik sa in-person classes karong semanaha.
Gawas sa 293 ka eskwelahan nga nakabalik sa physical classes gilauman nga musunod usab ang lain pang 72 ka mga skwelahan sa rehiyon ang moabli hangtud sunod bulan sa Abril.BNFM-DAVAO