LEGAZPI CITY – Nagpapadagos pa an early registration kan Department of Education (DEPED) para sa School Year 2024-2025 segun sa Schools Division Office (SDO) Legazpi.
Sa intrevista kan Brigada News FM Legazpi kay SDO Legazpi Information Officer Dr. Santi Araña, sinabi niya na naglalaom sinda na magdakol an mga mapa-enroll ngunyan na school year.
Piglalaoman man ninda na dakol an maparehistro sa Kindergarten, Grade 1 asin Grade 7 asin malampasan ngunyan na school year an enrollment rate kan nakalihis na 2023-2024 na hababa huli ta may mga dai nagkralase.
Sinabi pa niya, ini man an rason kun nata padagos an saindang kampanya asin pangapodan sa mga magurang na paklasehon na an saindang mga aki asin ipalista tulos ngunyan na early registration nganing maisabay na an saindang mga aki ngunyan na ralaugan.
Tinawan-duon man ni Araña sa enrollment, para sa mga incoming Kinder, dapat 5 anyos na pag-abot kan Oktubre 31, asin magdara nin birth certificate.
Sa Grade 1, dapat kinder completer, certificate of completion asin birth certificate. Mantang sa Grade 7 asin 11, magdara sana nin report card asin patotoo na sinda nakapasar sa previous grade level.