GIPLANO ang pagtukod og flood control sa Alabel, Sarangani Province aron maresolba ang pagbaha sa pipila ka barangay sa munisipalidad. Matud ni Sarangani Lone District Rep. Steve Solon, prayoridad niya sa Kongreso ang makaangkon og P300 milyon alang sa proyekto. Sa maong pagbaha gatusan ka mga residente ang ginahikling ug hangtud sa compound sa kapitolyo naabot na ang tubig.
Giangkon ni Solon nga kulang ang kasinatian isip magbabalaud apan paningkamotan niini nga mapasar ang kinahanglang pondo.
Ipasa ni Solon sunod tuig ang P6.2 bilyon pondo aron mabutangan og suga ang dalan gikan sa kinatumyan nga barangay sa probinsya ang Malungon Gamay paingon sa Pulutana.
Kung mabutangan og pondo sayon na lang ang pagbiyahe ug dili na delikado kung magabii gikan sa GenSan paengon sa Davao City.
Gisusi sa Kongresista ang taho nga gibiyaan sa kontrator ang pagsemento gikan sa Sta. Maria Davao Davao Occidental padulong sa Poblacion sa Malungon Sarangani Province. I Richel Gubalani