GITUKI ang mga proyekto sa Pacquiao administration, Sabado, Setyembre 17 sa gipahigayon Project Prioritization Workshop for the 2023-2025 Executive Legislative Agenda sa LGU-GenSan sa Mt. Sabrina, Barangay Tambler.
Gitambungan kin isa mga Department Heads ug Executive Assistants sa lokal nga panggamhanan sa pagpanguna ni Mayor Lorelie Pacquiao. Kabahin sa nahisgutan ang mga proyekto sa mayor nga maapil sa mga priority projects sulod sa iyang termino.
Segun sa mayor, mahinungdanon ang ELA isip epektibong platform alang sa pagkuha og mga ideya, consensus-building ug masiguro nga ang Executive and Legislative branches sa LGU ang committed sa parehong tumong.
Ang Executive Legislative Agenda ang basehan usab kung unsa ang mga programa ug proyekto sa syudad sulod sa tulo ka tuig.