ABLI ang pangulohan sa General Santos City Police Office (GSCPO) sa gikaengong paglusad og imbestigasyon sa konseho sa siyudad.
Kalabut sa pagsaka sa kinatibuk-ang bayronon sa electric bill sa city police office nga mosaka na sa P8 milyon (as of July). Matud ni PLt.Clarizel Perez, tigpamaba sa GSCPO andam silang tubagon ang pangutana ugalung moatubang sa Sangguniang Panlungsod (SP).
Mopresenta usab sila og mga dokumento isip pamatuod sa mga nahimong lakang sa city police kalabut sa bayronon sa kuryente.
Gikaingong ilusad sa committee on public order and safety ang serye sa public hearings aron masayran ang rason sa pagsaka sa electric bill ug makakita usab og posibleng solusyon.
Matutok ang imbestigasyon sa pagdoble sa bayranon sa GSCPO sa kuryente gikan sa P4 hangtud P8 milyon sulod lang sa pipila ka bulan.
Nakalabay’ng bulan, nagpatabang si PCOL. Gilberto Tuzon, director sa GSCPO aron mabayaran ang dakong utang sa kuryente sa South Cotabato 2 Electric Cooperative (Socoteco 2) nga misaka tungod sa interest ug penalty charges. ( Richel Gubalani)