GIAWHAG sa health authorities sa GenSan ang publiko nga sundon ang mga health protocols sama sa pagsuot og face mask, dungan sa pagsaka sa water-borne illnesses sa pipila ka bahin sa nasud.
Hugot ang pag-amping sa mga ginikanan sa ilang mga estudyanteng anak nga dili matakboyan og sama, labi na karon sa paglutaw sa laing virus nga gitawag nga ‘nipa virus’. Tana ta hadlok basta virus, kaya gani doble ingat hugas kamot paggikan sa gawas, mask, alcohol, kaon sa mga prutas gulay ug inum vitamin, butyag ni Ariel Fernandez, usa ka ginikanan. Sa bahin ni Mycen Imperial, usa ka ginikanan pabor siya sa subling pagsuot og face mask aron dili matakboyan sa virus.
Sa bahin ni Dr. Karl Ivan Igrobay, assistant department head sa City Health Office (CHO) bisan ubos ang kaso sa gitawag nga ‘wild’ nga acronym “water-borne diseases, influenza, leptospirosis, and dengue” partikular karong panahon sa ting-ulan. Miapela gihapon sila sa katawhan sa gensan nga hugot sundon ang mga health protocols.
Sa datus, ang GenSan ang nakatala og 818 kaso influenza like illness gikan enero hangtud setyembre 23, 2023 ug natala ang usa ka namatay. Ang maong datus ang taas og 149% tandi sa kaso nakalabay nga tuig sa susamang panahon nga naa sa 329 ug usa ang natala nga patay. I Richel Gubalani