NAKATALA ang GenSan og 16 ka dengue death gikan Enero 1 hangtud Setyembre 23 karong tuiga, dungan sa padayong pagsaka sa kaso dungan sa nasinatiang ting-ulan.
Matud ni Dr. Karl Ivan Igrobay, assistant department head sa City Health Office (CHO) nga naa sa 2,864 dengue cases ang natala as of Setyembre 23, 2023 taas og 416% tandi sa 555 kaso nakalabay’ng tuig sa susamang panahon.
Sa datus, nakatala og labing daghang kaso ang Barangay San Isidro nga narekord og 346, gisundan sa Lagao nga dunay 283 samtang susamang ihap usab sa kaso ang natala sa Calumpang. Takda usab magpahigayon og fogging ug uban pang aktibidad ang health office aron batukan ang sakit.
Ang dengue ang usa ka endemic sa Pilipinas, ang water-borne infectious diseases, nga nagasugod og saka ang ihap atol sa ting-ulan gikan Hulyo hangtud Oktubre gumikan sa weather conditions, baha ug kontaminadong tubig. I Richel Gubalani