GIPANGHIMAKAK tanan ni Police Major Rolan Catuburan, hepe sa Kiamba Police Station ang alegasyon nga gibato batok kaniya sa usa nila ka dinakpan sa bayolasyon sa health protocols.
Unang gipanghimakak ni Catuburan ang alegasyon sa usa ka Jun-jun Comanda, hamtong ang panuigon, mananagat, taga Tual, Kiamba nga mikasa ug mition kini og armas sa mga dinakpan.
Nasayod matud pa siya unsa ang polisiya ug dokumentado ang ilang operasyon.
Dili usab daw tinuod nga wala kini ga-face mask, tungod may mga litrato nga makita nga may sul-ob kini nga face mask ug isip tigpatuman sa balaod, sila ang unang gatuman sa mga patakaran.
Giangkon hinuon nga giposasan ang duha ka tawo nga naaktohan sa illegal gambling apan gibasahan sila sa ilang katungod bag-o gihimo ang pagposas ug gidala sa presinto.
Tinuod usab segun ni Catuburan nga wala na nila makita ang pagbasketball sa mga tawo tungod nanagan bag-o pa sila miabot tungod sa pass my word sa lugar,apan mirespondi tungod sa report gikan mismo sa lugar.
Bisan ang pagpamula niini nga gisaypan nga siya nakainom og ilimnong makahubog, kini ang gipanghimakak usab sa opisyal tungod dili daw kini hing-inom nga tawo.
Sa pagpakanta usab sa mga dinakpan, wala na nasayod niini si Catuburan tungod gitugyan niini sa mga sakop ang mga nahisgutan.
Bisan pa sa pagpadangat og reklamo sa mga dinakpan ngadto sa mga ahensya sa gobyerno ug bisan sa 888, andam matud pa niya kining atubangon tungod lehitimo ang ilang operasyon