BNFM Bicol-MATAPOS mamataan sa katubigang sakop ng Catanduanes ang ilang mga Chinese Vessels, nagpahayag ng suporta ang Philippine Association of State Universities and Colleges (PASUC) – Bicol Region sa Catanduanes State University.
Hinimok ng samahan na papanaigin ang batas na nagproprotekta sa soberanya ng bansa laban sa mga panghihimasok kagaya ng nangyari nitong nakaraang araw na kung saan, napag-alamang mayroon umanong ibinababa ang namataang mga chinese vessels ng mga unidentified equipment na kung saan maaring ginamit sa isang maritime research.
Una nang kinondena ng Catanduanes State University ang nangyari sa kanilang lugar na kung saan ay kanilang ikinabahala, sila rin ay nananawagang irespeto ang batas at higit sa lahat ang teritoryo na sakop ng bansa laban sa mga gawaing labag sa saligang batas. ### KENNETH BERMIL
IMAGE: PASUC