Giila nga usa ka pulis gikan sa Davao Oriental ang ika-71 nga namatay sa hanay sa Philippine National Police (PNP) tungod sa Covid-19.
Gianunsyo ni Police General Guillermo Lorenzo Eleazar hepe sa PNP ang kamatayon sa usa ka 47-anyos nga usa ka Police Senior Master Sergeant gikan sa Davao Oriental kinsa nigula nga nagpositibo sa Covid-19 niadtong Hunyo 3.
Sa report sa PNP Health Service, ang police personnel na-expose sa kauban niini sa trabaho nga nagpositibo sa virus diin Mayo 31, 2021, siya ug ang tanang personahe sa istasyon gipilalum sa Covid-19 RT PCR test.
Hunyo 9 sa dihang unang nakitaan ug sintomas ang maong police officer sama sa hilanat ug naglisod sa pagginhawa.
Hunyo 12 sa dihang namatay kini tungod sa Respiratory Failure secondary to COVID-19 Critical (Acute Respiratory Distress Syndrome). BNFM-Davao