LEGAZPI CITY – Pighahalat na sana sa ngunyan an aldaw kun nuarin magigin epektibo an pagsakop kan Social Security System (SSS) benefits and protection sa mga job orders asin contractual workers sa probinsya kan Catanduanes.
Sa intrevista kan Brigada News FM Legazpi kay SSS Virac Public Information Officer Anjo Evangelista, pigsabi niya na nakapag-MOA signing na an saindang opisina kaibahan an SSS alagad wara pa nin pigsabing petsa kun nuarin ini pormal na iiimplementar.
Dugang pa niya, kolaborasyon ini kan SSS asin kan Provincial Local Government of Catanduanes, kun sain an KaSSSanga Collect Program, naghahagad ng MOA sa manlain-lain na LGUs asin mga ahensya de gobyerno na makabale sinda sa benepisyo.
Mientrastanto, pigklaro ni Evangelista na wara man nin counterpart an PLGU kan Catanduanes sa kakaltason o ihuhulog ninda sa SSS.